Svelgen Brannstasjon
Torsdag 5. juni var det offisiell opning av Svelgen Brannstasjon. Her var alle underleverandørar til stades, inkludert Ferstad Elektro, som har hatt ansvar for prosjektering og installasjon av det elektriske anlegget. Det inkluderer mellom anna belysning, varme, straumforsyning og tekniske løysingar knytt til kommunikasjon og alarmsystem.
Ferstad Elektro har brei kompetanse som gjer at vi i tillegg til ordinær elektroinstallasjon både kan prosjektere / bygge nødlysanlegg, brannalarmsystem og adgangskontroll utan ekstern tredjepart. Dermed kan vi utføre heile jobben sjølv og tilpasse oss tidsplanen.
God erfaring med Ferstad Elektro
Svelgen brannstasjon er eit unikt prosjekt, og eit godt samarbeid mellom fleire instansar. Det har vore fleire involverte, mellom anna nødetatane, entreprenør Jostein Eimhjellen, kommunen og andre lokale bedrifter. Jostein Eimhjellen er hovudentreprenør i prosjektet, og har drive med eigedomsutvikling i Svelgen i over 20 år. Han er godt nøgd med jobben som Ferstad Elektro gjer.
– Eg har brukt Ferstad Elektro i dei fleste av prosjekta mine gjennom mange år. Det er ein påliteleg gjeng som er dyktige i faget og leverer topp kvalitet til avtalt tid. Alt i alt er eg godt nøgd med alle underleverandørane i prosjektet – frå elektrikarar til røyrleggarar – og kor godt dei har samarbeida på tvers av fag for å få dette prosjektet i hamn innanfor tidsramma. Det er eit stort pluss å nytte seg av lokale aktørar. Dei er ikkje langt vekke om ein treng hjelp, seier Jostein.
Den nye brannstasjonen blir ein viktig del av beredskapen i kommunen, og det betyr mykje for oss å kunne bidra med kompetanse og kunnskap. Vi har flinke folk på plass som gjer sitt for at jobben blir gjort skikkeleg og til rett tid.
Ferstad Elektro har også starta installering og montering av det elektriske i den andre halvdelen av bygget. Her skal den nye ambulansestasjonen komme.
